Novosibirsk viloyatida xorijliklarning 2024-yil davomida taksida ishlashi taqiqlandi, deb xabar berdi “TASS”.

Bundan tashqari, ularni ichimliklar va tamaki mahsulotlarini chakana sotish uchun yollash ham taqiqlandi. Bu bo‘yicha Novosibirsk viloyati gubernatori Andrey Travnikovning tegishli farmoni imzolangan.

“2024-yilda Novosibirsk viloyatida faoliyat yurituvchi tadbirkorlik subyektlari tomonidan patent asosida mehnat faoliyati bilan shug‘ullanuvchi xorijiy fuqarolarni quyidagi iqtisodiy faoliyat turlari bo‘yicha ishga joylashtirishni taqiqlash belgilansin. Chet elliklar ixtisoslashtirilgan do‘konlarda ichimliklar va tamaki mahsulotlari chakana savdosida ishlay olmaydilar, taksi haydashlari ham mumkin emas”, – deyiladi hujjatda.

Qarorga ko‘ra, ish beruvchilar ikki oy muddatda o‘zlari ishga yollagan xorijiy ishchilar sonini ushbu qarorga muvofiqlashtirishlari shart.

• Rossiya
• migrant