Financial Times nashrining xabar berishicha, Tehrondagi bir nechta universitet talabalari yangi semestrning birinchi kunida kampuslar hududida to‘plandi. Ular mamlakatning oliy rahbari Oyatulloh Ali Xomanaiyga qarshi hamda 1979-yildagi Islom inqilobi chog‘ida ag‘darilgan so‘nggi shohning o‘g‘li Rizo Pahlaviyni qo‘llab-quvvatlovchi shiorlar aytishdi. Ba’zi talabalar yanvar oyida hibsga olingan kursdoshlarini ozod etishni talab qildi.

Erondagi hukumatga qarshi ommaviy namoyishlar dekabr oxirida Tehronda boshlangandi. Dastlab iqtisodiy tusga ega bo‘lgan namoyish, tez orada siyosiy xarakter kasb etib, butun mamlakatga yoyildi.

Eron rasmiylari namoyishlarni shafqatsizlik bilan bostirdi. Hukumat ma’lumotlariga ko‘ra, namoyishlarda 5000 kishi halok bo‘lgan, boshqa manbalarda esa bu raqamlar 30 000 nafargacha yetishi aytilgan.

• Eron
• Namoyish
• Talabalar