Mahalliy ommaviy axborot vositalarining xabar berishicha, CJNG karteli yetakchisining o‘limi haqidagi xabardan so‘ng jangarilar urush e’lon qilib, tinch aholini o‘ldirish bilan tahdid qilishni boshlagan.

Meksikaning 9 shtatida tartibsizliklar yuz bermoqda. Guadalaxarada ko‘cha janglari davom etmoqda, jangarilar yuk mashinalarini yoqib yuborib, yo‘llarni to‘sib qo‘ymoqda.

CJNG jangarilari zirhli pikaplarda harakatlanib, kuch tuzilmalariga qarata o‘t ochmoqda, pistirmalar uyushtirmoqda. Kartel har bir o‘ldirilgan politsiyachi yoki harbiy uchun 1200 dollar mukofot e’lon qilgan.

Meksika Milliy gvardiyasi va politsiyasi janglar ketayotgan hududlarga yetib borishga urinmoqda, biroq yo‘llar to‘sib qo‘yilgan, xavfsizlik kuchlari kolonnalari blokadalar orqali to‘xtatilmoqda.

Dastlabki ma’lumotlarga ko‘ra, Puyerto Vallarta va Guadalaxara aeroportlari, shuningdek Xalisko shtatidagi Milliy gvardiya bazasi hujumga uchragan.

• Meksika
• Namoyish