AQSh prezidenti Oliy sud noqonuniy deb topgan bojlar o‘rniga 150 kun muddatga amal qiladigan 10 foizlik global tarif joriy etilishini ma’lum qildi. Trampning aytishicha, yangi farmon 1974-yilda qabul qilingan Savdo to‘g‘risidagi qonunga asoslanadi va hozirda amal qilayotgan tariflarga qo‘shimcha ravishda qo‘llaniladi.

“Oq uy Oval kabinetidan turib butun dunyo mamlakatlariga nisbatan deyarli darhol kuchga kiradigan 10 foizlik global savdo bojlarini imzolash men uchun katta sharaf”, — deb yozdi u o‘zining Truth Social ijtimoiy tarmog‘ida.

1974-yilda qabul qilingan Savdo to‘g‘risidagi qonun prezidentga to‘lov balansi bilan bog‘liq “yirik va jiddiy” muammolar mavjud bo‘lganda istalgan davlatlarga nisbatan 150 kungacha bo‘lgan muddatda 15 foizgacha boj joriy etish huquqini beradi. Qonun tergov o‘tkazishni talab qilmaydi va boshqa protsessual cheklovlarni nazarda tutmaydi.

• Davlat boji
• Dunyo
• Tramp