31°
Kechasi 18°
AQSHda 37 yoshli erkak federal agent tomonidan otib o‘ldirildi
AQSh Chegara nazorati xodimlari (USBP) 24-yanvar kuni, Immigratsiya va bojxona politsiyasi (ICE) xodimi shoira Rene Gudni o‘ldirganidan uch hafta o‘tmay, Minneapolisda bir erkakni otib o‘ldirdi. Shaharda yana namoyishlar boshlandi.
Rasmiylar ma’lum qilishicha, federal agentlar qurboniga aylangan 37 yoshli Aleks Pretti AQSh fuqarosi bo‘lib, Minneapolisda yashagan va faxriylar uchun mo‘ljallangan mahalliy shifoxonada ishlagan.
AQSh Ichki xavfsizlik vazirligi (DHS, USBP va ICE uning tarkibiga kiradi) marhumning qo‘lida to‘pponcha bo‘lgani va federal agentlar uni qurolsizlantirishga uringanida u go‘yoki qarshilik ko‘rsatganini ma’lum qildi.
Minnesota shtati gubernatori Tim Uolz esa voqea joyidan olingan videoyozuv bu versiya butunlay yolg‘onligini ko‘rsatmoqda.
AQSh prezidenti Donald Tramp Minneapolis shahri va Minnesot shtati rahbariyatini aholini “isyonga qo‘zg‘ash”da aybladi. Noem matbuot anjumanida Aleks Pretti federal agentlarga 9-millimetr kalibrli yarimavtomat to‘pponcha ko‘tarib kelganini, shundan keyin zobitlar uni qurolsizlantirishga uringani, u esa “tajovuzkor harakatlar qilgani”ni aytgan.
Vazirning so‘zlariga ko‘ra, zobitlardan biri o‘zining va boshqa zobitlarning hayotidan xavfsirab, “o‘zini himoya qilish maqsadida o‘t ochgan”.
Minneapolis politsiyasi ma’lumotiga ko‘ra, o‘ldirilgan shaxsning qurolga egalik qilish bo‘yicha hujjatlari joyida bo‘lgan.
Minnesot shtati gubernatori Tim Uolz avvalroq AQSh prezidenti Donald Trampni ICE va chegara xizmatining Minnesotaga noqonuniy immigratsiyaga qarshi kurash doirasida yuborilgan minglab xodimlarini olib ketishga chaqirgandi.
“Men bugun tongda federal agentlar tomonidan sodir etilgan navbatdagi dahshatli otishma voqeasidan so‘ng Oq uy bilan gaplashdim. Bu holat Minnesotadagilarning joniga tegdi. Bu jirkanch holat. Prezident bu operatsiyani to‘xtatishi kerak. Minglab tajovuzkor va o‘qitilmagan xodimlarni Minnesotadan olib keting. Hoziroq”, – deya yozgan Uolz X ijtimoiy tarmog‘ida.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
