“O‘zbekistonning Novosibirskdagi Bosh konsulxonasi ko‘magida Rossiyaning Saxa Respublikasi Neryungri shahrida qiyin hayotiy vaziyatga tushib qolgan ona va uning to‘rt nafar farzandi O‘zbekistonga qaytarildi”, – deb xabar qilmoqda “Dunyo” AA.

Ma’lum bo‘lishicha, mazkur oila Neryungri shahrida shaxsini tasdiqlovchi hujjatlarini yo‘qotib qo‘ygani uchun turli muammolarga duch kelgan.

Diplomatik vakolatxona xodimlari zudlik bilan ushbu oila bilan uchrashib, pasportini yo‘qotgan bolalarning onasiga O‘zbekistonga qaytish uchun bepul guvohnoma rasmiylashtirilgan. Shuningdek, ayol va uning bolalarining vatanga kelishi uchun aviachipta sotib olingan.

Ona farzandlari bilan birga bugun O‘zbekistonga uchib ketgan.

• Konsullik
• O‘zbekiston
• Rossiya
• fuqaro