“Shuni quvonch va iftixor bilan aytmoqchimanki, Oksford universitetining ”Osiyo va Yaqin Sharq tadqiqotlari” fakultetida endilikda o‘zbek va eski o‘zbek tillari o‘rganiladi”, – deya xabar berdi O‘zbekiston respublikasi Prezidenti administratsiyasi rahbari Saida Mirziyoyeva.

“Universitetdan Prezidentimiz rahbarligida O‘zbekistonda xotin-qizlar huquqlarini himoya qilish va imkoniyatlarini kengaytirish borasida erishilgan yutuqlarning e’tirofi sifatida mukofot qabul qilganimdan xursandman”, – deb qo‘shimcha qiladi u .

Shuningdek, Saida Mirziyoyeva o‘z Telegram sahifasida, Mirzo Ulug‘bekning “Ziji Ko‘ragoniy”, Alisher Navoiyning “Xamsa”, Husayn Boyqaroning “Devoni Husayniy”, Boburiylar davriga oid miniatyuralar va boshqa ko‘plab nodir kitoblar saqlanayotgan Bodlian kutubxonasi bilan tanishuvdan iliq taassurotlar olganligini aytib o‘tdi.

• Saida Mirziyoyeva