NDTV telekanali ma’lumotiga ko‘ra, Hindiston g‘arbidagi Rajastan shtatida Djaysalmer – Djodxpur trassasi bo‘ylab harakatlanayotgan yo‘lovchi avtobusida sodir bo‘lgan yong‘in oqibatida kamida 20 kishi halok bo‘ldi, 10 dan ortiq kishi jarohatlandi.

Ma’lumotlarga ko‘ra, ichida 57 kishi bo‘lgan avtobus harakatlanayotganda to‘satdan yonib ketgan. Guvohlarning aytishicha, dastlab avtomobil orqasidan tutun paydo bo‘lgan. Haydovchi yo‘l chetiga to‘xtashiga qaramasdan, alanga bir necha daqiqa ichida butun avtobusni qamrab olgan.

Yo‘lovchilar turli darajadagi kuyish jarohatlari bilan shifoxonalarga yetkazilgan. Yigirma kishining o‘lgani tasdiqlangan va ulardan ba’zilarining shaxsini aniqlash uchun DNK tekshiruvi o‘tkazilishi kerak bo‘ladi.

Dastlabki ma’lumotlarga ko‘ra, yong‘inga qisqa tutashuv sabab bo‘lgan.

• Avtobus
• Hindiston
• yong‘in