Rossiya dronlarining Yevropa havo hududiga kirishi, jumladan Polsha osmonida aniqlangani, Yevropa xavfsizligiga tahdid solayotganini ko‘rsatdi. Shu munosabat bilan Yevropa Ittifoqi yangi himoya tizimi ustida ish olib bormoqda.

Yevrokomissiya rahbari Ursula fon der Lyayen “dronlarga qarshi devor” loyihasini ilgari surdi. Ammo Germaniya va Fransiya bu tashabbusni amaliyotda murakkab va iqtisodiy jihatdan og‘ir deb baholamoqda.

Tizim turli texnologiyalar – kameralar, radarlar va dronlarni aniqlovchi maxsus sensorlarni o‘z ichiga oladi. Ukraina urushi davomida to‘plangan tajriba mazkur tizimni shakllantirishda asos bo‘lib xizmat qilishi mumkin.

Hozircha loyiha yakuniy kelishuvga ega emas. Ayrim Yevropa mamlakatlari bu tashabbusni Yevropa Komissiyasi emas, o‘z nazoratida olib borishni xohlamoqda.

• Rossiya
• Yevrokomissiya
• Yevropa