Ijtimoiy tarmoqlarda Samarqand viloyatida mashina yosh qizchani urib, unga yordam bermagani aks etgan video tarqaldi. Ushbu holat yuzasidan Samarqand Yo‘l harakati xavfsizligi boshqarmasi ma’lumot berdi. 

Ma’lum qilinishicha, joriy yilning 24-sentyabr kuni soat 19:00 da Samarqand tumani hududidan o‘tuvchi Panjikent ko‘chasida qarama-qarshi yo‘nalishda harakatlanib kelayotgan Gentra haydovchisi yuqori tezlikda harakatlanib, 15 yoshli piyodani urib yuborgan hamda voqea joyidan qochib ketgan. 

Viloyat Yo‘l harakati xavfsizligi boshqarmasi tomonidan olib borilgan qidiruv ishlari davomida haydovchi va uning mashinasi ustaxonadan topilgan. 

Haydovchining so‘zlariga ko‘ra, u qizchani urib ketgandan so‘ng, qattiq qo‘rquv ostida qolib, voqea joyidan qochishga majbur bo‘lgan. 

Hozirda haydovchiga nisbatan qonuniy hujjatlar rasmiylashtirilib, u bilan zarur tushuntirish ishlari olib borilmoqda. 

• Haydovchi
• Samarqand
• YHXB