31°
Kechasi 18°
O‘zbekistonda ayollar va bolalarga nisbatan zo‘ravonlikning barcha ko‘rinishlariga barham berish, bu borada jamiyatda murosasiz muhitni shakllantirishga qaratilgan yangi chora-tadbirlar belgilanmoqda. Bu “Mahallani rivojlantirish va jamiyatni yuksaltirish” yilida ustuvor yo‘nalishlar bo‘yicha islohotlar dasturlari va “O‘zbekiston — 2030” strategiyasini amalga oshirish bo‘yicha Davlat dasturi” loyihasida nazarda tutilgan.
Loyihaga ko‘ra, ayollar va bolalarga nisbatan sodir etilgan zo‘ravonlik bilan bog‘liq jinoyatlar uchun javobgarlik choralari kuchaytiriladi. 14 yoshga to‘lmagan shaxslarga nisbatan sodir etilgan jinsiy jinoyatlar uchun umrbod ozodlikdan mahrum etishgacha bo‘lgan jazo choralarini belgilash ko‘zda tutilmoqda.
Shuningdek, voyaga yetmaganlarga nisbatan sodir etilgan jinsiy va zo‘ravonlikka oid jinoyatlarni tergov qilishni prokuratura organlarining mutlaq vakolatiga o‘tkaziladi. Voyaga yetmagan shaxslar va xotin-qizlarga nisbatan tazyiq va zo‘ravonlik bilan bog‘liq ishlarni tergov qilish va ko‘rishga ixtisoslashgan va maxsus tayyorgarlikdan o‘tgan tergovchi va sudyalar faoliyatini yo‘lga qo‘yiladi.
Bundan tashqari, nikoh yoshiga yetmagan shaxsni unashtirish, shuningdek, bunday holatlarga undagan ota-onalar, ularning o‘rnini bosuvchi shaxslar va noqonuniy nikohni targ‘ib qilganlarga nisbatan ma’muriy javobgarlik joriy etilishi rejalashtirilgan.
Jamiyatda “zo‘ravonlikka toqatsizlik” tamoyilini ijtimoiy me’yor sifatida mustahkamlash, nikoh yoshiga yetmasdan turmush qurish holatlarining oldini olish bo‘yicha samarali tizim yaratish maqsad qilingan.
Davlat dasturida, shuningdek, ayollar va bolalarga nisbatan tazyiq va zo‘ravonlik bilan bog‘liq ishlarni tergov qilish va ko‘rib chiqishga ixtisoslashgan, maxsus tayyorgarlikdan o‘tgan tergovchilar va sudyalar faoliyatini yo‘lga qo‘yish belgilangan.
Oila va xotin-qizlar maskanlarida esa yosh nikohlanuvchilarning kamida 40 foizini maxsus o‘qitish dasturlari bilan qamrab olish, psixolog, huquqshunos va boshqa mutaxassislarni jalb qilgan holda oilaviy zo‘ravonlikka qarshi kurashish choralarini kuchaytirish ko‘zda tutilmoqda. Ushbu normalar joriy yil 1-apreldan joriy etilishi belgilangan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
