“O‘zbekiston Bosh konsulxonasi ko‘magida Rossiyaning Sankt-Peterburg shahrida qarovsiz qolgan besh nafar voyaga yetmagan yurtdoshimizning O‘zbekistonga qaytarilishi ta’minlandi”, deb xabar qilmoqda “Dunyo” axborot agentligi.

Mazkur tadbir O‘zbekiston Ichki ishlar va Sog‘liqni saqlash vazirliklari vakillari bilan birgalikda amalga oshirilgan.

Ota-ona qaramog‘isiz qolgan bolalar Sankt-Peterburgdagi voyaga yetmaganlar uchun ijtimoiy reabilitatsiya markazlari va bolalar uchun Tranzit ijtimoiy boshpanasiga joylashtirilgan.

O‘zbekistondan borgan ishchi guruh bilan hamkorlikda bolalarni vatanga qaytarish bo‘yicha barcha kerakli hujjatlarni to‘planib, Bosh konsulxona bolalarga repatriatsiya sertifikatlarini bepul taqdim etgan.

Bolalar mutasaddilar hamrohligida Sankt-Peterburg-Toshkent yo‘nalishidagi samolyot bilan O‘zbekistonga kuzatib qo‘yilgan.

• Bolalar
• O‘zbekistonlik
• Rossiya
• Sankt-Peterburg