Oʻzlari uchun qulaylik yaratishga moyil insonlar ishlab topgan pulni tejab qolish uchun uy sharoitida sovuq haroratni taʼminlash yoʻllarini kashf qilishadi.

Soʻnggi kunlarda havo haroratining keskin koʻtarilishi kuzatilmoqda. Bunday ob-havoda imkon boricha koʻproq salqin joylarda yurish va harorati past ichimliklarni koʻproq isteʼmol qilish tavsiya etiladi. Doimo qulaylik yaratishga moyil insonlar ishlab topgan pulni tejab qolish uchun uy sharoitida sovuq haroratni taʼminlash yoʻllarini kashf qilishadi.

1. Oddiy idish yuvish vositasidan “muzlatgich” tayyorlash

Buning uchun bir nechta shimgich (gubka) ni namlang va muzlatgichga bir necha soat qoʻying. Ular muzlatilganidan soʻng, sellofan qopchalarga soling va undan koʻchada mahsulotlaringizni uzoqroq saqlash uchun foydalaning. Shundan soʻng suv yoki muzqaymoq idishlari qizib ketmaydi. Shuningdek, ushbu muzlatgichdan issiqda tananing qizib ketgan qismlari – peshona, boʻyin, yelkaga qoʻyish uchun qoʻllash mumkin.

2. Ichimlikni tez sovitish uchun hoʻl sochiqdan foydalanish

Buni tayyorlash uchun bir marta ishlatiladigan sochiq yoki salfetkalar eng yaxshisidir. Ularni suv bilan namlantiring va ichimlikni oʻrab, uni 15 daqiqa muzlatgichga qoʻying. Namlikning bugʻlanishi sovitish jarayonini tezlashtiradi.

3. Ichimlikni tezroq sovitish uchun muz va tuzdan foydalaning

Muz boʻlaklarini idishga soling (qanchalik koʻp boʻlsa, shuncha yaxshi), kamroq miqdorda suv quying va bir osh qoshiq tuz solib aralashtiring. Ichimlik idishini aralashmaga soling va uni bir necha marta aralashtiring.

Tuz tufayli harorat pasayadi va eritma idishdan issiqlikni intensiv ravishda oladi. Ichimlik oʻn daraja haroratga sovishi uchun bir necha daqiqa kifoya qiladi.

4. Ventilyatorni konditsionerga aylantirish

Buni muz yordamida qilish mumkin. Muz boʻlaklarini kattaroq idishga soling va ishlab turgan ventilyator oldiga qoʻying. Havo muzli suvdan oʻtib, harorat yanada pasayadi.

5. Avtomobil eshigi yordamida salonni sovitish

Yoʻlovchi tomonidagi oynani pastga tushiring, soʻngra haydovchi eshigini oching uni yelpigʻich kabi silkiting. Bir necha daqiqadan soʻng havo salqinlashadi va issiq harorat meʼyorlashib, ozgina boʻlsa-da, qulaylikni yuzaga keltiradi.

6. Sovuq suv uchun muzli idish tayyorlash

Ichimlik idishining uchdan bir qismini toza filtrlangan suv bilan toʻldiring, soʻngra uni muzlatgichga qoʻying. Idish yotqizib qoʻyilishi kerak. Bir necha soatdan keyin u muzlaydi va unga sharbat, choy yoki qahva quyish mumkin. Devordagi muz asta-sekin eriydi va butun hajmni teng ravishda sovitadi.

• Foydali
• layfxak
• qiziqarli