“Mamlakatimiz Bosh konsulxonasi, O‘zbekiston Din ishlari bo‘yicha qo‘mitasi va “Uzbekistan Airways” AJ hamkorligida Saudiya Arabistonining Makka shahridagi “Ash-Shumaisiy” deportatsiya markazida bo‘lib turgan Z.Sh. va uning farzandlari yurtimizga qaytarildi”, – deb xabar bermoqda “Dunyo” axborot agentligi.

Bosh konsulxona xodimlari Saudiya Arabistonidagi “Ash-Shumaisiy” deportatsiya markazi direktori Abdulatif as-Samaliy bilan ushbu oilani O‘zbekistonga yuborish bo‘yicha bir necha bor muzokara o‘tkazgan. Muzokaralar natijasida ularning O‘zbekistonga qaytarish bo‘yicha kelishuvga erishilgan.

O‘zbekiston Din ishlari bo‘yicha qo‘mitasi, Bosh konsulxona va “Uzbekistan Airways” AJ tomonidan Z.Sh. va uning farzandlariga O‘zbekiston ziyoratchilari uchun ajratilgan “Jidda-Toshkent” yo‘nalishidagi charter reysiga aviabilet sotib olib berilgan. Mazkur oila 24-avgust kuni O‘zbekistonga yetib kelgan.

Ushbu jarayon O‘zbekistonda 30-iyuldan 30-avgustgacha e’lon qilingan “Vatanga qaytarish” insonparvarlik aksiyasi hamda O‘zbekistonning Jiddadagi Bosh konsulxonasi tomonidan amalga oshirilgan.

• Deportatsiya
• O‘zbekistonlik
• Saudiya Arabistoni
• fuqaro