Ijtimoiy tarmoqlarda Vazirlar Mahkamasi huzuridagi Migratsiya agentligining ayrim xodimlari pul evaziga Koreya Respublikasiga ishga yuborish bilan shug‘ullangani hamda ularga nisbatan jinoyat ishi qo‘zg‘atilgani haqida xabarlar tarqalgan edi.

Mazkur holat bo‘yicha agentlik quyidagilarni ma’lum qildi:

“O‘zbekiston Respublikasi Prezidentining 2024 yil 17 oktyabrdagi PF–162-sonli Farmoni bilan Vazirlar Mahkamasi huzuridagi Migratsiya agentligi qayta tashkil etilgandan so‘ng, bugungi kungacha Koreyaga E–9 vizasi uchun hech qanday tanlovlar o‘tkazilmagan.

Ayrim xodimlar tomonidan yo‘l qo‘yilgan qoidabuzarliklardan keyin, Migratsiya agentligi faoliyatida Janubiy Koreyaga yuborish bilan bog‘liq kadrlar, shu jumladan, Seuldagi vakolatxonasida faoliyat yuritgan barcha xodimlar to‘liq o‘zgartirildi.

Agentlik xodimlari orasida o‘z kasbiga xiyonat qilgan, fuqarolarning ishonchi va haq-huquqlarini suiiste’mol qilgan shaxslarning harakatlari keskin qoralanadi”.

Shuningdek, Migratsiya agentligi fuqarolarni shubhali holatlar yoki qoidabuzarliklarga guvoh bo‘lsalar, Migratsiya agentligining Komplayens xizmatiga darhol, 71–202–44–11 telefon orqali yoki 12-82 qisqa raqam orqali murojaat qilishlarini so‘ragan.

• Agentlik
• Firibgarlik
• Migratsiya
• rasmiy munosabat