Olimlar saraton hujayralarini qayta dasturlash usuli ustida ish olib borishdi. Bu yo‘l bilan xavfli hujayralarni onkologik o‘smalar atrofidagi himoya qobig‘ini buza oladigan cDS1 turiga mansub maxsus immun hujayralariga aylantirish usuli kashf qilindi. 

Tadqiqotchilar organizmdagi kasallik o‘chog‘iga PU.1, IRF8, BATF3 nomli oqsillarni yetkazishda adenoviruslardan foydalanildi.

Qayta dasturlangan hujayralar zararli xususiyatlarini yo‘qotdi. Immun tizimidagi T-limfotsitlarni faollashtirish orqali o‘simta bilan kurashga kirishdi.

Bilamizki, saratonning ko‘plab turlari immun tizimining ishlashiga to‘sqinlik qiluvchi mexanizmlarni hosil qiladi. Shved olimlari yangi usul bilan shu to‘siqlarni ichkaridan bartaraf etadi hamda o‘simta hujayralari o‘z-o‘zini yo‘q qila boshlaydi. 

Bu usul immunoterapiya muolajalari bilan birgalikda yuqori samara berishi aytilmoqda. Qayta dasturlashtirilgan hujayralar sichqonlarda sinovdan o‘tkazilganda o‘simtaning rivojlanishi sezilarli darajada sekinlashgan. 

Yangi usul immunoterapiya bilan birga qo‘llanganda, o‘simta o‘sishi butunlay to‘xtadi. Tajriba hayvonlarda neoplazmalarning qaytalanishiga qarshi uzoq muddatli immunitet hosil bo‘ldi.

Bu tajriba insonlarda ham sinovdan o‘tkazildi va samaradorlikka erishildi. Endi bu xulosa klinik sinovlarda ham tasdiqlanishi lozim. Ushbu tadqiqotning natijalari AQShning “Science” ilmiy jurnalida chop etilgan.

• Kashfiyot
• Olimlar
• Saraton