Joriy yilning 28-noyabr kuni soat 21:50 da Toyloq tumani “Beklar” mahallasi hududida yashovchi 1985-yilda tug‘ilgan fuqaro K.A. qo‘shni mahallada istiqomat qiluvchi, o‘ziga oldindan tanish bo‘lgan 1990-yilda tug‘ilgan G‘.R. va 1991-yilda tug‘ilgan N.R.lar bilan o‘rtalarida yuzaga kelgan o‘zaro kelishmovchilik natijasida janjal kelib chiqqan.

Mazkur janjaldan so‘ng, K.A. o‘zining 2005 va 2007-yilda tug‘ilgan farzandlari bilan G‘.R va N.R. lar boshqaruvida bo‘lgan yuk avtomashinalariga benzin yoqilg‘isi sepib, yoqib yuborgan. Bu haqda Samarqand viloyati IIB axborot xizmati xabar berdi.

Yong‘in zudlik bilan bartaraf etilib, boshqa transport vositalari va ulardagi yuklarga zarar yetkazilishining oldi olingan.

Mazkur holat yuzasidan 29-noyabr kuni Toyloq tumani IIB huzuridagi Tergov bo‘linmasi tomonidan O‘zbekiston Respublikasi JKning 173-moddasi (Mulkni qasddan nobud qilish yoki unga zarar yetkazish) 2-qismi bilan jinoyat ishi qo‘zg‘atilib, aybdor shaxslarga nisbatan qamoqqa olish tarzidagi ehtiyot chorasi qo‘llanilgan.

Hozirda dastlabki tergov harakatlari olib borilmoqda.

• IIB
• Samarqand
• yong‘in
• yuk mashinasi