O‘tgan haftada AQSh Prezidenti Donald Tramp va Venesuela Prezidenti Nikolas Maduro telefon orqali gaplashgan. Bu haqda New York Times xabar berdi.

Qayd etilishicha, suhbat hafta oxirida, AQSh Davlat kotibi Marko Renubio ishtirokida bo‘lib o‘tgan. Uning  yakunida o‘rtaga AQShda uchrashish masalasi ko‘ndalang qo‘yilgan, ammo yetakchilar uchrashuvini o‘tkazish bo‘yicha kelishuvga erisholmagan. 

Telefon suhbati Davlat departamentining “xorijiy terroristik tashkilot” deb e’lon qilish haqidagi qarori kuchga kirishidan bir necha kun oldin bo‘lib o‘tgan. Gap “Quyoshlar karteli” (Cartel de los Soles) haqida ketmoqda. AQSh ushbu kartelni Maduro bilan bog‘laydi. Karakas esa bunga javoban AQShni “yolg‘on”da ayblagan va bunday kartelning o‘zi mavjud emasligini bildirgan. 

Bungacha Axios Trampning keskinlik ortib borayotgani fonida Maduro bilan gaplashish rejasi haqida xabar bergan edi. Manbalarning fikricha, bunday qaror AQShning Venesuelaga raketa zarbalari yoki quruqlikdagi harbiy amaliyotlari muqarrar emasligini anglatishi mumkin.

• AQSh
• Prezident
• Telefon
• Venesuela
• uchrashuv