Singapur Prezidenti Halima Yaqub Samarqandga tashrifini Imom Buxoriy majmuasini ziyorat qilish bilan boshladi.
Oʻzbekiston Respublikasi Prezidenti maslahatchisi M. Komilov oliy martabali mehmonga Prezident Shavkat Mirziyoyev tashabbusi bilan yangidan bunyod etilayotgan mazkur majmuadagi qurilish-bunyodkorlik ishlari, mazkur obyektning avvalgi holati haqida maʼlumot berdi.
Ziyoratchilar uchun majmua va uning atrofida yaratilayotgan imkoniyat va qulayliklar ziyorat turizmini rivojlantirishga xizmat qilishi qayd etildi.
Singapur Prezidenti shuningdek, Imom Buxoriy xalqaro ilmiy-tadqiqot markaziga ham tashrif buyurdi.
Prezident Shavkat Mirziyoyev tashabbusi bilan tashkil etilgan xalqaro markazda Oʻzbekiston zaminidan yetishib chiqqan buyuk allomalar, muhaddislar merosi tadqiq etilayotgani, qisqa vaqt ichida oʻnlab tarixiy kitoblar nashr etilgani haqida maʼlumot berildi.
Singapur Prezidenti Hadis maktabida ham boʻldi va bu yerda faoliyat koʻrsatayotgan oʻqituvchilar hamda tinglovchilar bilan suhbatlashdi.
Halima Yaqub xonim hadis maktabi tinglovchilari bilan birga suratga tushdi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!