Soch o‘sishi - bu soch follikulasining ichida sodir bo‘ladigan sirli jarayon. Follikulalarda sochlarning tuzilishini tashkil etuvchi hujayralar mavjud.

Soch kesish yuzaki hodisa bo‘lib, follikulalarga yoki ularning ishlash tezligiga taʼsir qilmaydi. Shuning uchun har kuni sochingizni kessangiz ham, bu soch o‘sishini tezlashtirmaydi.

Muntazam ravishda sochlarni qirqib turish soch uchlari yorilishini kamaytiradi, sochlar sog‘lom va sinishga kamroq moyil bo‘ladi. Natijada soch uchlari tekis va uzun ko‘rinish oladi.

Uzun sochlar sohibi bo‘lish uchun sochlaringizni kuzatib boring, muntazam ravishda bo‘lingan uchlarini olib tashlang, sochlarni mustahkamlovchi vositalardan foydalaning va sog‘lom turmush tarzini olib boring.

• salomatlik