2022-yilning 1-may holatiga ko‘ra, sog‘liqni saqlash va ijtimoiy xizmatlar sohasida jami faoliyat ko‘rsatayotgan korxona va tashkilotlar soni 10 816 tani tashkil etgan. Bu haqda Davlat statistika qo‘mitasi ma’lum qildi.

Qayd etilishicha, joriy yilning yanvar-aprel oylarida ushbu sohada 612 ta yangi korxona va tashkilot tashkil etilib, o‘tgan yilning mos davri bilan solishtirilganda 102,3 foizga oshganligini ko‘rishimiz mumkin.

Quyida 2022-yil yanvar-aprel oylarida sog‘liqni saqlash va ijtimoiy xizmatlar sohasida eng ko‘p yangi tashkil etilgan korxona va tashkilotlarga ega bo‘lgan hududlarni ko‘rishingiz mumkin:
Toshkent shahri – 115 ta;
Samarqand viloyati – 76 ta;
Farg‘ona viloyati – 66 ta;
Toshkent viloyati – 55 ta.

• Tibbiyot
• statistika