Moʻgʻulistonda oʻtkazilayotgan sport kurashlari boʻyicha Osiyo chempionatida oʻzbekistonlik sportchi qizlar ham musobaqadagi dastlabki medalni qoʻlga kiritishdi.

-50 kg vazn toifasida bahs olib borgan Jasmina Immayeva bronza medaliga sazovor boʻldi.

Hamyurtimiz saralash bahslarida 1 gʻalaba va 1 magʻlubiyat qayd etib, yarim finalga yoʻl olgan edi.

Final ostonasida u yaponiyalik Remina Yoshimotoga imkoniyatni boy bergach bronza medali uchun kurashish bosqichida ishtirok etdi.

Mazkur bellashuvda hindistonlik Manisha Manishaga hech qanday imkoniyat qoldirmagan Immayeva 10:0 hisobida bahsni oʻz foydasiga hal qildi.

Maʼlumot uchun, Immayeva oʻtgan yil Qozogʻistonda oʻtgan qitʼa birinchiligida ham qatnashib, kumush medalni qoʻlga kiritgan edi. Shu tariqa, u faoliyatida ikkinchi bor Osiyo chempionatida shohsupaga koʻtarilmoqda.

• Kurash
• O‘zbekiston