Joriy yilning 25-avgust kuni Stokgolm diplomatlar assotsiatsiyasi tomonidan Buyuk Britaniyaning Shvetsiyadagi elchixonasi binosida “Food and Beer” milliy taom va ichimliklar ko‘rgazma yarmarkasi o‘tkazildi.

Tadbirda Armaniston, Avstriya, Belgiya, Bosniya va Gersegovina, Gretsiya, Islandiya, Latviya, Meksika, Slovakiya, Buyuk Britaniya, O‘zbekiston, Chexiya, Shvetsiya, Estoniya, Yaponiya va Avstraliya/Yangi Zelandiyaning diplomatik vakolatxonalari o‘zlarining milliy taomlari va ichimliklari bilan ishtirok etishgan.

O‘zbekiston vakillarining har yili o‘tkazilib kelinadigan ushbu madaniy ko‘rgazmadagi ilk qatnashuvi tadbir ishtirokchilari tomonidan iliq kutib olindi.

Yarmarka yakunlari bo‘yicha O‘zbekistonning Shvetsiyadagi elchixonasi “eng yaxshi milliy taom” yo‘nalishi bo‘yicha faxrli birinchi o‘rinni qo‘lga kiritgan.

Barcha ishtirokchilar tomonidan O‘zbekistonning milliy taomlari (osh, somsa, qovun va hakazo) juda yuqori baholangan.

Tadbir davomida shved biznes vakillari bilan O‘zbekiston mahsulotlarining Shvetsiyaga eksportini yo‘lga qo‘yish masalasini ishlab chiqish bo‘yicha kelishuvga erishilgan.

• Elchixona
• Palov
• Shvetsiya