5-may kuni soat 11:13 da Samarqand shahar Buyuk Ipak yo‘li ko‘chasida joylashgan avtomobillarga yoqilg‘i quyish shoxobchasida yong‘in sodir bo‘lgani haqida viloyat Favqulodda vaziyatlar boshqarmasiga xabar kelib tushdi.

Shunga ko‘ra, 5 ta qutqaruv bo‘linmasi soat 11:18 da hodisa joyiga yetib borgan. Yong‘in 11:30 da o‘rab olingan va 11:50 da to‘liq o‘chirilgan.

Hodisa oqibatida tan jarohati olganlar yo‘q.

Hozirda yong‘inning kelib chiqish sababi hamda yetkazilgan moddiy zarar miqdori aniqlanmoqda.