Bilamizki, yaqin keljakda sunʼiy intellekt inosnlar egallab turgan kasblarni egallab oladi degan qo‘rquvni uyg‘otmoqda. Biroq, Massachusets Texnologiya Instituti (MIT) tadqiqotiga ko‘ra, sunʼiy intellekt hali ham ko‘p ishlarni odamlar kabi bajara olmaydi.

Tadqiqotchilar ayrim kasblarga (o‘qituvchilar, novvoylar, ko‘chmas mulkni baholovchilar, jami 800 ta ish o‘rniga) eʼtibor qaratib, inson mehnatini sunʼiy intellektga almashtirishning amaliy afzalliklarini o‘rganishdi. Maʼlum bo‘lishicha, sunʼiy intellekt ularning funksionalligining atigi 23 foizini bajara oladi, qolgan hollarda esa odamlarni yollash iqtisodiy va sifat tarafdan ancha qulaydir.

Tadqiqotda misol sifatida ishlatilgan gipotetik novvoyxonada ingrediyentlarning sifati va miqdorini tekshirish uchun texnologiya ishlatilgan. Olimlarning hisob-kitoblariga ko‘ra, bu vazifa novvoyning umumiy funksiyalarining atigi 6 foizini tashkil qiladi va sunʼiy intellektni o‘rnatish va ishlatish bugungi kunda inson xizmatlari uchun haq to‘lashdan ko‘ra qimmatroqqa tushadi.

• Olimlar
• tadqiqot