Bostonda yaratilgan sun’iy intellektli robot-tish shifokori birinchi marta tirik bemorni ko‘rdi. U ishni odamnikidan sakkiz marta tezroq bajardi, deb xabar berdi “Zakon.kz” nashri.

AI stomatologining birinchi vazifasi tishni o‘rnatishga tayyorlash edi. Oddiy sharoitlarda bu taxminan ikki soat davom etadi va shifokorga ikki marta tashrif buyurishni talab qiladi, biroq robot buni taxminan 15 daqiqada yakunladi, deb yozadi “New Atlas”.

Ishlab chiquvchilarning ta’kidlashicha, ularning roboti kariyesni avtomatik ravishda taxminan 90% aniqlik bilan topgan va 3D skaner tufayli og‘iz bo‘shlig‘ining batafsil modelini yaratgan.

• Shifokor
• sun’iy intellekt