“Tesla” kompaniyasi 17 avgust kuni aksiyalarning 3 ga 1 bo‘linishi oldidan o‘z aksiyadorlari reyestrini yopadi. Shu tariqa 2022 yil boshidan beri kompaniya kapitallashuvi 18 foizga kamaydi.

Hissadorlarga allaqachon egalik qilgan har bir aksiyasi uchun ikkita qo‘shimcha qimmatli qog‘oz to‘lanadi. Bu voqea 24 avgust kuni bo‘lib o‘tadi. Split-sozlangan savdo esa 25 avgustda boshlanadi.

“Tesla” aksiyadorlari o‘tgan hafta bu harakatni ma’qulladilar. Kompaniya aksiyalar qiymatining pasayishi ularni xodimlar va individual investorlar uchun yanada qulayroq qiladi, deb hisoblaydi.

2020 yil avgust oyida “Tesla” aksiyalari 1/5 ko‘rinishida bo‘lingan edi.

Kompaniya so‘nggi uch oyda 2022 yilning birinchi choragiga nisbatan mahsulot yetkazib berishni 18 foizga qisqartirdi. Ilon Mask rahbarligidagi brend shu vaqtga qadar 254,6 mingtaga yaqin elektromobil sotgan.

Aprel oyida bosh direktor Ilon Mask ikkinchi moliyaviy chorak “nihoyatda qiyin” bo‘lganini ma’lum qildi.

Kompaniya Xitoyda ishlab chiqarishni tiklashga muvaffaq bo‘ldi, biroq ishdan bo‘shatishlar, “Twitter” va Maskning batareyalar taqchilligi tufayli “milliardlarni yo‘qotish” haqidagi bayonotlari bilan bog‘liq noaniqlik tufayli aksiyalar narxi ham o‘zgarishsiz qoldi.

• Aksiya
• Ilon_Mask
• Tesla