Qozog‘iston Respublikasi prezidenti Qosim-Jomart To‘qayev mamlakatning birinchi prezidenti Nursulton Nazarboyev kunini davlat bayramlari ro‘yxatidan chiqarib tashlash haqidagi qonunni imzoladi. Bu haqda bugun, 29-sentabr kuni prezident matbuot xizmati xabar berdi.
“Davlat rahbari Qozog‘iston Respublikasining “Qozog‘iston Respublikasining ayrim qonun hujjatlariga kinematografiya, madaniyat va bayramlar masalalari bo‘yicha o‘zgartish va qo‘shimchalar kiritish to‘g‘risida”gi qonunini imzoladi”, — deyiladi xabarda.
Taklif etilayotgan tuzatishlar bilan 1-dekabrga to‘g‘ri keladigan Birinchi Prezident kuni davlat bayramlari ro‘yxatidan chiqariladi.
Bundan tashqari, qonun hujjatlariga o‘zgartirishlar kiritilib, 25-oktabr – Respublika kuni, 16-dekabr – Mustaqillik kuni davlat bayrami sifatida belgilandi. Ilgari Mustaqillik kuni milliy maqomga ega edi.
Respublika kuni nima degani?
Qozog‘istonda 1-dekabr Birinchi Prezident kuni sifatida nishonlandi. U 2011-yilda tashkil etilgan va birinchi marta keyingi yilning shu sanasida nishonlangan. Bu kun tasodifan tanlanmagan - 1991-yil 1-dekabrda Nursulton Nazarboyev birinchi xalq saylovlarida Qozog‘iston Prezidenti etib saylangan.
1990-yil 25-oktabrda Qozog‘iston SSR Oliy Kengashi “Qozog‘iston SSR davlat suvereniteti to‘g‘risida”gi deklaratsiyani qabul qildi. Mamlakatda 25-oktyabr Respublika kuni sifatida nishonlandi. 2009-yilda u davlat bayramlari ro‘yxatidan chiqarildi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!