Transport nazorati inspeksiyasi “Toshkent shahar yo‘lovchi tashishni monitoring va nazorat qilish” DM xodimlari bilan hamkorlikda jamoat transporti avtobuslarida yo‘l haqqini to‘lamasdan harakatlanayotgan yo‘lovchilarga nisbatan kuchaytirilgan nazorat tadbirlarini davom ettirmoqda.

Joriy yilning o‘tgan 3 oyida inspektorlar tomonidan 32 450 ta holatda qoidabuzarlik aniqlanib, ma’muriy bayonnomalar rasmiylashtirildi.

Hozirda to‘lov tizimi va inspektorlar faoliyati raqamlashtirilgan bo‘lib, nazorat tadbirlari monitoring natijalariga asoslanib, yo‘nalishlarda manzilli tarzda amalga oshirilmoqda. Jumladan, 8 ta yo‘nalishda (2026-yil boshidan 28 ta) yo‘l haqi nazorati kuchaytirilgan tartibda o‘tkazilib, natijada yo‘nalishlardagi tranzaksiyalar soni oshdi.

Transport nazorati inspeksiyasi barcha yo‘lovchilardan jamoat transportidan foydalanishda belgilangan qoidalarga rioya qilib, yo‘l haqqini o‘z vaqtida to‘lashni so‘raydi.

• Avtobus
• Jarima