Ushbu muddatni taxmin qilish uchun joriy kod – 01 bilan boshlanadigan raqamlarning mumkin bo‘lgan maksimal kombinatsiyalar sonini hisobga olish kerak.

01XYYYXX raqamining tuzilishi 17 576 000 kombinatsiyani nazarda tutadi. Ularning barchasi ishlatilganda, yangi kodga o‘tish yuz beradi.

Kombinatsiyalarning umumiy sonini hisoblash uchun biz quyidagi omillarni hisobga olamiz:
1️⃣ 01-hudud uchun bitta variant mavjud;
2️⃣ X harflari - har bir pozitsiya uchun 26 ta variant;
3️⃣ YYY raqamlari - har bir pozitsiya uchun 10 ta variant;
4️⃣ Birinchi harf X - 26 ta variant.

Shunday qilib, mumkin bo‘lgan raqamlar kombinatsiyalari umumiy soni:
1 * 26 * 26 * 10 * 10 * 10 * 26 = 17 576 000.

Mavjud vaziyatni hisobga oladigan bo‘lsak - Toshkentda jismoniy shaxslarga tegishli 600 000 ga yaqin avtomobil bor va yiliga 80 000 taga o‘sib bormoqda. Har yili qayta ro‘yxatdan o‘tkazish paytida 5% avtoraqam utilizatsiyaga chiqsa, 17 million avtomobilga yetib borish va 02 kodli raqamlardan foydalanishni boshlash uchun taxminan 68 yil kerak bo‘ladi.

• avtoraqam