“Amerika qaytdi”, — dedi prezident nutqining boshida.
Trampning ko‘ra, hozirgi ma’muriyat atigi bir necha hafta ichida ilgari hech qaysi hukumat yillar davomida erisha olmagan natijalarga erishgan.
“Amerika orzusini to‘xtatib bo‘lmaydi va mamlakatimiz shunday ulkan qaytish arafasida turibdiki, dunyo tarixida hech kim bunaqasini ko‘rmagan, ehtimol, bundan keyin ham ko‘rmaydi”, — deya ta’kidladi prezident.
Demokratlar partiyasi vakillari norozilik bildirib, Trampni hushtakbozlik bilan kutib oldilar. Vakillar palatasi spikeri Mayk Jonson tartibni saqlashga chaqirdi va prezident nutqini buzishga uringanlarni zaldan chiqarib yuborish bilan tahdid qildi.
Demokratlar partiyasidan Kongress a’zosi El Grin o‘z joyiga o‘tirishdan bosh tortgach, Jonson “Bu janobni zaldan chiqarib yuboring”, – deb talab qildi. Shundan so‘ng, Tramp o‘z nutqini davom ettirdi.
Ushbu nutq Trampning Oq uyga qaytganidan keyin Kongressdagi birinchi chiqishi hisoblanadi. Bu an’anaviy tadbir bo‘lib, unda prezident o‘zining dastlabki bir necha haftalik faoliyati natijalarini sarhisob qiladi. Tramp 44 kundan beri prezident lavozimida ishlamoqda.
Ma’lumot uchun, Donald Trampning Kongressdagi ilk nutqi taxminan bir soat davom etgan edi.
6°
Kechasi 0°
