Tramp yakshanba kuni TikTok’da birinchi videosini ulashdi. Video Nyu-Yorkda aralash yakkakurashlar bo‘yicha xalqaro Ultimate Fighting Championship (UFC) musobaqasi tadbirlaridan birida suratga olingan.

Videoda UFC bosh direktori Dana Uayt ham bor. Videoning boshida u “Prezident hozir TikTok’da”, deb e’lon qiladi, Tramp unga “Bu sharaf”, deb javob beradi. Qisqa videoning qolgan qismi AQShning sobiq prezidenti tribunadagi tomoshabinlarga qo‘l siltab, ular bilan selfi tushayotgani tasvirlaridan iborat.

Politico nashrining yozishicha, TikTok akkaunti Trampga o‘z tomoniga yosh auditoriyani, jumladan, potensial saylovchilarni jalb qilishga yordam berishi mumkin.

24 soatdan kamroq vaqt ichida Trampning birinchi videosi taxminan 56 million marta tomosha qilindi va uning akkauntiga deyarli 3 million foydalanuvchi obuna bo‘ldi.

• Tramp