Doimo trendda bo‘lish uchun erkaklar va ayollarga qanday krossovka kiyishlari kerak? Uzun bo‘yli, diqqatni tortadigan, klassik va eng muhimi dizaynerlar tomonidan tavsiya etilgan oyoq kiyimlar sizni befarq qoldirmasligi aniq.

1. Kumush rangli, qalin taglikka ega krossovkalar 

Katta taglikli modellar bir necha yillardan beri moda tendensiyalari ro‘yxatida. Tanish uslubni yangi mavsumda dolzarb qilish uchun kumush rangli krossovkalar kiyish tavsiya etilmoqda. Agar yaltiroq oyoq kiyim siz uchun juda qalinlik qilsa, metall detallari bo‘lgan poyabzallarni tanlang.

2. Tasmali krossovkalar

Sport zallarida ko‘proq uchraydigan uzun bo‘yli modellar ham asta-sekin shahar aholisi garderobiga joylashib bormoqda. Ular nafaqat shim yoki shorti, balki uzun ko‘ylaklar bilan ham mos kelishi mumkin. 

3. Universal uslubdagi krossovkalar

Yorqin dekorativ detallar va qarama-qarshi elementlarsiz yaratilgan modellar deyarli har qanday kiyim bilan birlashtirilishi mumkin. Krossovkalar orasidan o‘zingiz istagan ranglisini tanlashingiz mumkin: qora, oq yoki qaymoqrang. Bunday poyabzallarning eng katta afzalligi bu ularning ko‘p qirrali ekanligidir.

4. Qo‘lbola elementlarga ega krossovkalar 

Tag qismi g‘ayrioddiy ko‘rinishi, ustki qoplamasi esa aniq teksturali matodan iborat ekani bilan ajralib turuvchi oyoq kiyimlar sizga yoqishi aniq. Ushbu variantlardan har biri chinakam zamonaviy ko‘rinishni yaratishga yordam beradi. Bunday krossovkalarni lakonik kiyimlar bilan kiyish yaxshiroqdir.

5. Oq rangli krossovkalar

Qanday oyoq kiyim tanlash to‘g‘risida mustaqil qaror qabul qila olmaydiganlar uchun eng yaxshi variant aniq. Bu o‘rtacha balandlikka ega bo‘lgan oq rangli minimalist modellardir. Ushbu krossovkalar har qanday kasb egalari, hatto biznesmenlar uchun ham mos keladi.

• Krossovka
• oyoq kiyim