31°
Kechasi 18°
Ijtimoiy tarmoqlarda Toshkent shahar Farhod bozori yaqinidagi tunnelda noma’lum erkak bir ayolga nisbatan uyatsiz harakatlar qilgani haqida video tarqaldi va ushbu holat jamoatchilik orasida turli muhokamalarga sabab bo‘ldi. Mazkur holatga Toshkent shahar Ichki ishlar bosh boshqarmasi munosabat bildirdi.
Ma’lum qilinishicha, kecha, 6-yanvar kuni taxminan soat 18:50 larda noma’lum shaxs Uchtepa tumani Lutfiy ko‘chasida 1996-yilda tug‘ilgan L.Q.ga nisbatan uyatsiz, buzuq harakat qilgan holda voqea joyidan qochib ketgan.
Mazkur holat yuzasidan Toshkent shahar IIBB tomonidan o‘tkazilgan tezkor-qidiruv tadbirlari natijasida erkakning shaxsi aniqlangan. Ma’lum bo‘lishicha, u 1993-yilda tug‘ilgan V.Andrey bo‘lib, ichki ishlar organlari xodimlari tomonidan ushlangan. Hozirda Uchtepa tumani IIO FMB tomonidan tergovga qadar tekshiruv o‘tkazilmoqda. Tekshiruv yakuni bo‘yicha qonuniy qaror qabul qilinishi ta’minlanadi.
Ushbu shaxsning nojo‘ya xatti-harakatlaridan jabr ko‘rganlardan 71-231-95-20 raqamiga yoki 102 qisqa raqamiga murojaat qilish so‘raladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
