Turkiyada og‘ir hayotiy vaziyatga tushib qolgan o‘zbekistonliklarga zarur konsullik-huquqiy yordam ko‘rsatish choralari doirasida, shu yilning 16-oktyabr kuni O‘zbekiston Respublikasi Bosh konsulxonasi diplomatlari Sakarya viloyatidagi jazoni ijro etish muassasasiga tashrif buyurishgan. Bu haqda O‘zbekiston Respublikasining Istanbul shahridagi Bosh konsulxonasi xabar bermoqda.

Tashrif davomida hibsda saqlanayotgan bir qator O‘zbekiston fuqarolari bilan konsullik uchrashuvlari o‘tkazilib, ularga zarur huquqiy maslahatlar berilib, keyinchalik sud jarayonlarida ularni himoya qilayotgan advokatlar bilan ham alohida huquqiy maslahatlashuvlar amalga oshiriladi.

Giyohvandlik vositalari va psixotrop moddalarni saqlashda gumonlanib, 2024-yildan buyon Sakarya viloyatidagi jazoni ijro etish muassasasida saqlanib kelingan O‘zbekiston fuqarosi F.A., joriy yilning 30-oktyabr kuni bo‘lib o‘tgan navbatdagi sud majlisi qaroriga asosan sud zalidan ozodlikka chiqarilgan.

• O‘zbekistonlik
• Sud
• Turkiya
• diplomat
• fuqaro
• ozodlik