“Ukraina Rossiya neftining o‘z hududi orqali Yevropaga o‘tishini to‘xtatmoqchi. Ushbu qaror mamlakat Oliy Radasida qabul qilingan va bu Rossiya gazini tashish to‘xtatilgandan keyingi qadam bo‘lishi mumkin”, – deb yozadi The Insider nashri.

Manbaga ko‘ra, Rossiya har kuni “Drujba” neft quvuridan 20 million dollar ishlab topadi. Magistral yo‘ldan foydalanish bo‘yicha amaldagi shartnoma 2019-yilda imzolangan va 2029-yil oxirigacha amal qilishi kerak. Ammo Kiyev buni kutilganidan ertaroq yakunlamoqchi. Yevropa mamlakatlari esa bu vaziyatdan xavotirda.

Avvalroq, Vengriya tashqi ishlar vaziri Peter Siyarto Ukraina orqali gaz tranzitini to‘xtatish Yevropa uchun og‘ir oqibatlarga olib kelishini aytgan edi. Uning so‘zlariga ko‘ra, yoqilg‘i narxi darhol 20 foizga oshgan va bu iqtisodiyotga katta zarba bo‘ladi.

• Rossiya
• Ukraina
• neft