UzAuto Motors kompaniyasi o‘z mijozlarini yana bir bor ogoh va hushyor bo‘lishga chaqirdi. Kompaniya uchinchi shaxslar tomonidan to‘lov qilinmagan avtomobil shartnomalarini sotib olmaslikni so‘ramoqda.

UzAuto Motors shartnomani boshqa shaxsga qayta rasmiylashtirish mumkin emasligi hamda xarid qilingan avtomobil faqat shartnomada dastlab ko‘rsatilgan shaxsga ro‘yxatdan o‘tkazilishini eslatib o‘tdi.

Agar xaridor bunday shartnomalarni “sotib olsa”, keyinchalik avtomobilni o‘z nomiga qayta rasmiylashtira olmaslik xavfi yuqori. Shuningdek, agar avtomobil egasining yaqin qarindoshlari (turmush o‘rtog‘i, farzandlari) sotishga ruxsat berishdan bosh tortgan taqdirda uni qayta ro‘yxatdan o‘tkazib bo‘lmasligi ma’lum qilindi.

• General_Motors
• UzAutoMotors