Toşkent viloyatining Qibray tumanida töy korteji vaqtida avtomobil yölini tösib, ilonizi şaklida harakatlangan haydovçilarga nisbatan ma’muriy çoralar körildi. Holat yuzasidan jami sakkiz nafar haydovçi aniqlanib, ulardan biri 15 sutkaga ma’muriy qamoqqa olindi. Bu haqda Yöl harakati xavfsizligi xizmati xabar berdi.

Ma’lum qilinişiça, ijtimoiy tarmoqlarda töy marosimi vaqtida yöl harakati qoidalari buzilgani aks etgan videolar tarqalgan. YPX xodimlari tasvirlarni örganib, huquqbuzarliklar Qibray tumanida sodir etilganini aniqlagan.

Tekşiruv davomida haydovçilarning uç nafari guruh bölib harakatlangani uçun ma’muriy javobgarlikka tortilgan. Qolgan beş nafariga avtomobil yölini qasddan tösiş hamda ilonizi şaklida harakatlanib, transport vositasidagi yölovçilar hayotini xavf ostiga qöyiş bilan boğliq huquqbuzarliklar yuzasidan bayonnomalar rasmiylaştirilgan.

Sud qaroriga köra, tört nafar haydovçi bir yil muddatga transport vositasini boşqariş huquqidan mahrum etilib, qöşimça ravişda 25 BHM miqdorida jarimaga tortilgan. Haydovçilik guvohnomasiga ega bölmagan yana bir şaxsga esa 15 sutka ma’muriy qamoq jazosi tayinlangan.

Hozirda aniqlangan huquqbuzarliklar yuzasidan tegişli ma’muriy çoralar qöllangan.