Germaniyaning Bad-Dyuben şahri ma’muriyati investorlarni jalb qiliş maqsadida XIII asrga oid Şnadits qasrini atigi 1 yevroga sotuvga qöydi. Biroq tarixiy binoni töliq ta’mirlaş uçun kamida 20 million yevro mablağ talab etiladi. Bu haqda «Bild» naşri xabar berdi.

Taxminan 1237-yilda qurilgan qasr Saksoniya federal yeridagi Bad-Dyuben şahrining Şnadits hududida joylaşgan. Umumiy maydoni 1012 kvadrat metr bölgan binoda yaşaş xonalari, ritsarlar zali va ikkita minora mavjud. Qasr yonida 1794-yilda barpo etilgan boğ ham bor.

Şahar meri Matias Mitning ta’kidlaşiça, qasr nafaqat şahar, balki butun Saksoniya uçun muhim tarixiy obyekt hisoblanadi. Uning sözlariga köra, binoni qayta tiklaş böyiça avval ham köplab rejalar işlab çiqilgan, biroq byurokratik tösiqlar sababli ular amalga oşmagan.

Mer qasr hududida mehmonxona, qariyalar uyi, öquv markazi yoki internat maktabi taşkil etiş mumkinligini bildirgan. Biroq buning uçun binoni foydalanişga tayyorlaş va keng kölamli ta’mirlaş işlari talab etiladi.

Hozirda Şnadits qasrini saqlab qoliş va qayta tiklaş uçun investor izlanmoqda. Uni töliq ta’mirlaş qiymati kamida 20 million yevroga baholanmoqda.