Gollivudning eng mashhur rejissyorlaridan biri Vudi Allen tez orada ijodiy faoliyati yakunlanishini maʼlum qildi. 86 yoshli rejissyor soʻnggi vaqtlarda ishidan zavq olmayotgani haqida aytib oʻtgan.

“Balki yana bitta film suratga olarman. Avvalgi hissiyotlar oʻtmishga aylandi. Avvallari film suratga olsam u butun mamlakat kinoteatrlarida namoyish etilar edi. Hozir esa suratga olgan filming prokatda bir necha hafta turibdi, xolos”, deydi.

Vudi Allen Gollivudning eng mashhur va obroʻli rejissyorlaridan biri hisoblanadi. U suratga olgan filmlarning deyarli barchasi “Oskar”ga daʼvogar sifatiga koʻrsatilsa ham rejissyor taqdirlash marosimlariga hech qachon tashrif buyurmaydi. Mukofotlarni uning nomidan filmlarda suratga tushgan aktyor va aktrisalar qabul qilib olishadi.

• Kino
• San’at