The Wall Street Journal nashrining ekspertlarga tayanib yozishicha, bu Xitoy Kommunistik partiyasining hokimiyatini mustahkamlashi ham, Pekinning o‘ziga zarar yetkazishi ham mumkin.

“Agar og‘ir vaziyatlarda xalq Kommunistik partiyani qo‘llab-quvvatlashga safarbar qilinsa-yu, ammo vaziyat ijobiy tomonga o‘zgarmasa, vaqt o‘tib, odamlar “aybni partiyaga yuklashi” mumkin”, — deya fikr bildirdi Singapur Milliy universiteti siyosatshunosi Ja Yan Chong.

Bundan tashqari, vatanparvarlik kayfiyatining o‘ta kuchayishi Pekinning harakatlarida manyovr qilish imkoniyatini toraytiradi va Si Szinpin bilan Donald Tramp o‘rtasida ehtimoliy kelishuvga erishishni murakkablashtiradi. Chunki kuchayib borayotgan antiamerikanizm xitoylik amaldorlarni tashqi bosimga bo‘ysungandek ko‘rinmaslik uchun yanada qattiqroq pozitsiyani egallashga majbur qilishi mumkin.

“Pekin savdo urushini mafkuraviy musobaqa sifatida ko‘rsatib, unda g‘alaba qozonishni Xitoy Kommunistik partiyasining siyosiy qonuniyligi bilan bog‘lamoqda. Mutaxassislar “Agar AQSh o‘z talablaridan voz kechmasa va Xitoy iqtisodiyoti jiddiy zarba olsa, xalq bu holatni qabul qiladimi?” degan savolni ilgari surmoqda”, – deb yozmoqda WSJ. 

• AQSh
• Davlat boji
• Xitoy
• mafkura
• savdo