Qashqadaryo viloyati Dehqonobod tumanida yashovchi M.A. joriy yilning 17-noyabr kuni otasi A.T. vafot etganligi uchun ma’raka tadbirlarini o‘tkazish chog‘ida belgilangan tartibga rioya qilmagan.

Sudda M.A. qilmishiga iqrorlik bildirib, otasi 19-iyun kuni vafot etgani, shu munosabat bilan 17-noyabr kuni ma’raka marosimini o‘tkazgani, xonadoniga kelgan 250 ga yaqin odamga sho‘rva tarqatgani, harakati noqonuniy ekanini bilmaganini aytib, yengillik so‘radi.

Jinoyat ishlari bo‘yicha Dehqonobod tumani sudining qarori bilan M.A. Ma’muriy javobgarlik to‘g‘risidagi kodeksning 192¹-moddasida (to‘ylar, oilaviy tantanalar va ma’raka-marosimlar tartibini buzish) nazarda tutilgan huquqbuzarlikni sodir qilgan deb topildi. Unga nisbatan, bazaviy hisoblash miqdorining 2 baravari, ya’ni 824 ming so‘m miqdorida jarima jazosi tayinlagan.

• Dehqonobod
• Qashqadaryo
• Sud