Kecha, 6-may kuni Xitoy tashqi ishlar vaziri Sin Gang Islomobodda Afg‘oniston tashqi ishlar vaziri Amir Xon Muttaki bilan uchrashuvda terrorizmga qarshi qat’iy kurash zarurligini ta’kidladi.

“Siz va’dangizni bajarishingiz va terrorizmga qarshi amalda kurashishingiz, terrorchilarga, jumladan, Sharqiy Turkiston Islomiy harakatiga qarshi hal qiluvchi zarbalar berishingiz kerak. Afg‘onistondagi Xitoy fuqarolari va tashkilotlarining xavfsizligini ta’minlashingiz kerak”, – deydi Sin Gang.

Xitoy tashqi ishlar vazirining so‘zlariga ko‘ra, Pekin Afg‘oniston suvereniteti, mustaqilligi va hududiy yaxlitligini hurmat qiladi va u bilan barcha sohalarda hamkorlikni chuqurlashtiradi.

“Biz Afg‘oniston tomoniga imkon qadar tezroq mustaqillik, tinchlik, barqarorlik, taraqqiyot va farovonlikka erishishiga yordam beramiz”.

Shuningdek, Sin Gang Xitoy va Tolibon harakati tomonidan boshqariluvchi Afg‘oniston muvaqqat hukumati doim bir-birini qo‘llab-quvvatlashi, o‘zaro tushunish va ishonchni saqlab turishini ta’kidlagan. Uning fikricha, butun dunyo yoki mintaqada qanday vaziyat bo‘lishidan qat’i nazar, Xitoy hamisha afg‘on xalqi bilan birga bo‘ladi va mamlakatning milliy o‘ziga xosligidan kelib chiqqan holda ularning rivojlanish yo‘lini qo‘llab-quvvatlaydi.

• Afg‘oniston
• Tolibon
• Xitoy
• Xitoy Tashqi ishlar vaziri