O‘zbekistonning yalpi ichki mahsuloti 2021-yil 7,4 foizga o‘sdi. Bu haqida Prezident Shavkat Mirziyoyev mahallabay ishlashning yangi tizimini yo‘lga qo‘yish va aholi bandligini ta’minlash bo‘yicha joriy yildagi ustuvor vazifalarga bag‘ishlangan videoselektor yig‘ilishida ma’lum qildi.

Davlat rahbari faol islohotlar, tadbirkorlikni rivojlantirish va mahallabay ishlash boshlangani natijasida, 2021-yili yalpi ichki mahsulot 7,4 foizga o‘sganini qayd etdi.

Hududlarda 100 mingta yangi tadbirkor ish boshladi. O‘zini o‘zi band qilganlar soni 700 mingga ko‘payib, 1,2 millionga yetgan.

“2022-yilni ‘Inson qadrini ulug‘lash va faol mahalla yili’ deb e’lon qildik. Shu bois, bu yil barcha mahallalarda tub o‘zgarishlar yili bo‘lishi kerak”, – dedi Prezident.

Shuningdek, “mahallabay” ishlash tizimi orqali “temir daftar”dagi 583 ming ehtiyojmand oila doimiy daromad bilan ta’minlandi.

• Prezident
• Shavkat Mirziyoyev