“Kiyevga berilgan tungi zarbalar oqibatida 3 kishi halok bo‘ldi, 29 kishi jumladan 7 nafar bola jarohatlandi”, — deb xabar bermoqda Ukraina Favqulodda vaziyatlar xizmati.

Ma’lumotlarga ko‘ra, Desnyanskiy tumanidagi 9 qavatli turar joy binosiga Rossiya uchuvchisiz uchish apparati qulashi oqibatida yong‘in chiqib, binoning yuqori qavatlaridan 13 kishi evakuatsiya qilingan.

Boshqa bir hududda esa dron 16 qavatli binoga urilib, birinchi qavatdan to‘qqizinchi qavatgacha bo‘lgan derazalarni sindirgan.

Bundan tashqari, Kiyevning Obolon tumanidagi ko‘p qavatli uyga ham uchuvchisiz uchar qurilma tushgani, biroq u yerda yong‘in yuz bermagani ma’lum qilindi.

• Havo hujumi
• Kiyev
• Rossiya
• Ukraina