Bugun, 22-noyabr Farg‘onada O‘zbekiston Superligasining 29-turi doirasidan o‘rin olgan “Neftchi” – “Qizilqum” o‘rtasidagi bahs bo‘lib o‘tadi.

“Neftchi” joriy mavsum davomida barqaror o‘yin ko‘rsatib, so‘nggi turlargacha yetakchi jamoalar qatoridan o‘rin egallab keldi. Klubning eng asosiy yutuqlaridan biri — asosiy raqiblariga qarshi muhim o‘yinlarda ochko yo‘qotmasligidir.

29-turdan o‘rin olgan markaziy bahsda “Paxtakor” “Nasaf”ni o‘z uyida mag‘lub etdi va qarshiliklarni chempionlik poygasidan chiqarib yubordi. Buning asnosida “Paxtakor” farg‘onaliklarga 2 ochkolik masofaga yaqinlashib oldi.

Endilikda “Neftchi”ga chempionlik uchun qolgan 2 turda 2 ochko lozim bo‘ladi. Sababi, ochkolar teng bo‘lib qolganda “Paxtakor”ning ustunligi bor.

“Neftchi” uchun eng muqobil variant esa bugun 16:15 da start oluvchi o‘yinda “Qizilqum”ni yutish va chempionlikni bir tur avval nishonlashdir.

Ma’lumot uchun, farg‘onaliklar so‘nggi bor 2001-yilda O‘zbekiston Oliy ligasi (hozir Superliga) chempioni bo‘lishgan.

• Farg‘ona
• Futbol
• Superliga