Joriy yilning 12-noyabridan boshlab aholi, byudjet tashkilotlari va boshqa to‘g‘ridan to‘g‘ri iste’molchilar uchun markazlashtirilgan issiqlik ta’minoti xizmatlariga yangi tariflar amal qila boshlaydi.

Hokim qarori bilan quyidagi tariflar tasdiqlangan:

Asosiy tarif — 711 641 so‘m/Gkal (QQSsiz);

Aholi uchun — 139 860 so‘m/Gkal (QQSsiz);

Byudjet tashkilotlari uchun — 925 797 so‘m/Gkal (QQSsiz);

Boshqa to‘g‘ridan to‘g‘ri iste’molchilar uchun — 342 296 so‘m/Gkal (QQSsiz).

Shu tariqa, poytaxt aholisi uchun issiq suvning 1 kub metri QQS bilan 8 928,7 so‘mni tashkil etadi. Agar hisoblagich bo‘lmasa, bir kishi uchun oylik issiq suv to‘lovi QQS bilan 34 868,9 so‘m etib belgilangan.

Yangi tarif bo‘yicha isitish narxi isitish mavsumida har bir isitiladigan kvadrat metr uchun 241,4 so‘m (QQS bilan)ni tashkil etadi.

Veolia Energy Tashkent ta’kidlashicha, davlat subsidiyasi mexanizmi tufayli poytaxt aholisi issiqlik energiyasining to‘liq qiymatini to‘lamaydi — xarajatlarning taxminan 80 foizi mahalliy byudjetdan qoplanadi.

• Toshkent
• issiq suv
• tariflar