Sky News’ning ma’lum qilishicha, Zelenskiy kelasi haftada Tramp bilan Yevropa tanqidiga sabab bo‘lgan yangi tinchlik rejasini muhokama qiladi.

U Tramp bilan uchrashuvdan oldin bu rejani Buyuk Britaniya, Fransiya, Germaniya va Italiya rahbarlari bilan muhokama qilishni rejalashtirgan.

Manbaning aytishicha, ushbu reja Yevropa qarshiligiga duch kelishi deyarli aniq bo‘lib ulgurgan. Chunki, kecha Bryusselda bo‘lib o‘tgan YeI tashqi ishlar vazirlari yig‘ilishida bu loyiha keskin tanqid ostiga olingan. Ayniqsa, Polsha, Italiya, Fransiya, Litva va Germaniya tomonidan bildirilgan e’tirozlar o‘ta qat’iy bo‘lgani qayd etilmoqda.

Telekanal, shuningdek, Yevropa Ittifoqi AQSh davlat kotibi Marko Rubio tinchlik rejasi loyihasiga o‘zgartish kiritishidan umid qilayotganini qo‘shimcha qilgan.

• AQSh
• Tinchlik shartnomasi
• Tramp
• Ukraina
• Zelenskiy