Gollivud yulduzi, amerikalik aktyor Ben Stiller ukrainalik qochqinlar bilan uchrashish uchun Polshaning Rzeshov shahriga keldi. Bu haqda Britaniyaning Daily Mail nashri xabar berdi.
Aktyorni shanba, 18-iyul kuni Polsha shahrining omborlaridan birida ko‘rishgan. U yerda u gumanitar xodimlar bilan muloqot qilgan. Stillerning Polshaga tashrifi 20-iyun Butunjahon qochqinlar kuniga to‘g‘ri keldi.
“Millionlab odamlar o‘z uylarini tashlab ketishga majbur bo‘lishdi. Ularning 90 foizdan ortig‘i esa ayollar va bolalardir. Men ularni eshitish uchun shu yerdaman. Bu urush oddiy odamlarga qanday zarar yetkazayotganini ko‘rsatish va birdamlikka da’vatlarni kuchaytirish uchun muhimdir. Har kim xavfsizlik huquqiga ega”, - deydi aktyor.
Nashr maʼlumotlariga koʻra, Rossiyaning jangovor harakatlari boshlanganidan beri Ukrainadan Polshaga 3,5 milliondan ortiq odam koʻchib kelgan.
Eslatib o‘tamiz, joriy yil aprel oyi oxirida mashhur Gollivud aktrisasi Anjelina Joli Lvovga tashrif buyurgandi. U yerda aktrisani shahar kafelaridan birida ko‘rib qolishgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!