Harbiylar Boliviyaning amaldagi poytaxti La-Pas shahrida hukumat binosi oldidagi maydonni egallab oldi, deb xabar bermoqda “Meduza”.

Nashr o‘zining onlayn sahifasida maydonga to‘plangan harbiy xizmatchilar va zirhli texnikalar aks etgan fotosuratlar va videolarni e’lon qilgan. Tez orada ular hukumat binosiga bostirib kirishga harakat qilishgan.

Harbiy yig‘ilishga javoban mamlakat prezidenti Luis Arse qurolli kuchlarni demokratiyani hurmat qilishga chaqirgan.

“Biz Boliviya armiyasining ayrim bo‘linmalarining g‘alati harakatlari haqida xabar bermoqdamiz. Demokratiya hurmat qilinishi kerak”, — deb yozdi u X ijtimoiy tarmog‘ida.

Sobiq davlat rahbari Evo Morales harbiy to‘ntarishga urinish haqida e’lon qilgan.       Uning so‘zlariga ko‘ra, general Xuan Xose Zuniga uyushtirishga harakat qilmoqda. Bir kun avval harbiy Moralesni tanqid qilgani, jumladan Boliviya sobiq prezidentini hibsga olish tahdidi tufayli armiya qo‘mondoni lavozimidan bo‘shatilgan edi.

O‘z navbatida, Zuniga "Vatanni qaytarishga" ketayotganini aytdi va harbiylar xo‘rlikdan va mamlakat qashshoqlashib borayotganidan charchagan. U, shuningdek, yangi vazirlar mahkamasi tuzilishini ma’lum qilgan.

Boliviya prezidenti Luis Arse o‘z hukumati a’zolari hamrohligida mamlakat xalqiga murojaat qilib, aholini to‘ntarishga qarshi safarbar bo‘lishga va demokratiyani qo‘llab-quvvatlashga chaqirgan.

• Boliviya
• to‘ntarish